Супер-Инфо
super.kg видео
ТЕСТ: Күүнүн башы - Камбаркан. Күүлөнгөн бойдон тесттен күчүңүздү бир текшерип көрүңүз
Комуздун үч кылынан чыккан күүнү муюп угуп, күүнүн тилин түшүнгөндөр бар. Кыргыз маданиятынын бөлүнгүс бир бөлүгү болгон комуз күүлөрү сиздин да дилиңизге жакын, көкүрөгүңүздүн эңсегени болсо аны угуп ырахат алып жүргөн чыгарсыз. Аш-той, жакшылыктарда угуп жүргөн күүлөрдүн аталышын, баянын, авторлорун канчалык деңгээлде билесиз? Билимиңизди тест аркылуу аныктаңыз.
1
2
3
4
5
6
7
8
9
10
11
12
13
14
15
Чыңгыз ханга баласынын өлүмүн угузганда чертилген күүнү атаңыз...
Эл арасында Чыңгыз хандын улуу баласы Жуучунун (Жучи) өлгөнүн күү менен Бука деген күүчү угузган деген кеп бар. Хан ачуу кабарды күүдөн түшүнүп, "Кет, Бука" деп буйрук бергенден улам күүнүн аталышы "Кет Бука" болуп калган.
"Кара Өзгөй"
"Кет Бука"
"Ибарат"
"Маш ботой" күүсүн Америкада роялда ойногон Кыргыз пианистин билесизби?
2016-жылдын январь айында Америкада жашаган Кыргыз пианист Азамат Сыдыков "Маш ботой" күүсүн роялда ойногон. Үч мүнөттөн ашуун убакытты алган видео АКШнын ири шаарларында тартылган. Анда Азамат Сыдыков роялды ачык асман алдында ойногон.
Бибигүл Искенова
Эмил Атагелдиев
Азамат Сыдыков
Уламыштар боюнча, Кыргыз жоокери саадагынан тапкан акыркы жаасы менен душманды жеңген деп баяндалган күүнүн аталышын табыңыз...
Уламыш боюнча, казак менен кыргыздын чабуулунда казактар үстөмдүк кылат. Бир акылман кол башчыга келип, «Биз качып барсак айылдагыларга уят болобуз, саадагыңды кагып көрчү" дейт. Кол башчы саадакты каккылап жаанын бир жебесин таап, кууп келе жаткан казактын баатырын атат. Кийин бул уламышты Атай Огомбаев көркөмдөп күүгө салат.
"Тынчтык"
"Чайкама"
"Саадат Какты"
Комузчу, күүчү Нурзат Орозалиеванын "Чын курандын жетиси" күүсү кайсы окуяга арналган?
Нурзат Орозалиева "Чын курандын жетиси" күүсүн 2010-жылдын 7-апрелиндеги кандуу окуяга арнап чыгарган.
Ооган согушуна
2010-жылдын 7-апрелиндеги окуяга
"Үркүн" окуясына
Жараткан күүлөрүн компьютердин жардамында көркөмдөп, ага клип тартуу менен айырмаланган музыкант, күүчү ким?
Асылбек Насирдинов жараткан күүлөрүн заманбап стилде көркөмдөп, жаштардын табитине ылайыктагандыгы менен айырмаланат. Уккан кулактан кетпеген "Улуу көч" күүсүнүн автору.
Анара Эсенгулова
Асылбек Насирдинов
Рахат Көчөрбаев
"Кербездер" күү топтомунун башатын баштаган Т.Сатылгановдун сүргүндөн келгенден кийинки кербез күүсү...
Жети жыл Сибирь абагында тарткан азабынан Токтогул Сатылганов “Арман кербези” деген ыры менен коштолгон күүсүн чыгарган.
"Жаш кербез"
"Арман кербези"
"Чоң кербез"
"Улуу Тоолор", "Соң-Көл баяны", "Ата-Мурасы" күүлөрүнүн автору ким?
Аталган күүлөрдүн автору залкар комузчу Нурак Абдырахманов. Анын аткарган жана чыгарган күүлөрү Япония, Франция, АКШ, Чехия сыяктуу өлкөлөрдө дүйнө элдерине уктурулуп келген.
Мураталы Күрөңкеев
Атай Огомбаев
Нурак Абдырахманов
Чалагыз Исабаев негиздеген этнографиялык-фольклордук ансамбль...
«Камбаркан» этнографиялык-фольклордук ансамбли 1987-жылы Кыргыз улуттук филармониясынын алдында уюшулган. Аны белгилүү комузчу, күүчү Чалагыз Исабаев негиздеген. 1997-жылы ансамблге анын ысымы берилген.
"Камбаркан"
"Шаттык"
"Чолпон"
Сүрөттөгү залкар комузчу түгөйлөрдү тааныйсызбы?
Белгилүү комузчулар Чалагыз Исабаев менен Самара Токтакунова 25 жыл бирге өмүр сүрүшкөн. Ырчы Актан Исабаев жана Аслан аттуу уулдары бар. 1991-жылы Ч.Исабаев жол кырсыгына кабылып, көз жумган.
Чалагыз Исабаев, Самара Токтакунова
Азат Дөөткулов, Сайра Момунбаева
Ашыралы Айталиев, Наиля Айталиева
"Күүнүн башы Камбаркан" деген кеп кайсы уламыштан улам айтылып калган?
Уламыш боюнча, кыргызда Камбар деген хан болуп, ал аң уулап жүргөн кезинде эки талдын ортосунда жиптей ичке нерсенин тартылып калганын, желге урунган сайын жагымдуу дабыш чыгып жатканын көрөт. Ошондон кийин Камбар малдын ичегисинен кыл, жыгачтан комуз жасап күү чертет. Мындан улам "Күүнүн башы Камбаркан" деп айтылып калган.
Камбаркан деген сүйгөн кызына жетпей калган жигиттин тагдыры
Аны чыгарган күүчүгө хандар байге берип турушкан
Комузду биринчи ойлоп тапкан тунгуч күү чыгарган кишинин аты Камбар
Маркумду акыркы сапарга узатууда, аза күтүү күндөрүндө угузулган күүлөрдүн аталышын билесизби?
Калктын башына караан күн түшкөндө кайгылуу күндү "Ак Бугу", "Көкөй кести" күүлөрү коштойт. Кулакка армандуу угулган "Көкөй кести" күүсүн Карамолдо Орозов бай-манаптын каарына кабылган элдин заарын билдирүү үчүн чыгарган.
"Арман", "Солтон Сары"
"Каныкейдин арманы", "Ак Бакай"
"Ак Бугу", "Көкөй кести"
2016-жылы II Дүйнөлүк көчмөндөр оюнунда 1000 комузчунун аткаруусундагы күү...
2016-жылы II Дүйнөлүк көчмөндөр оюнунда 1000 комузчу "Маш Ботой" күүсүн аткарган. "Ботой" — армандуу күүнүн бир багыты болуп саналат. Автору Атай Огонбаев муңдуу ыргакты өзгөртүп, ыкчамдык, көңүлдүү маанай кошуп, күүнү "Маш ботой" деп атап, алып чыккан.
"Жеңиш"
"Маш Ботой"
"Камбаркан"
"Саринжи-Бөкөй" элдик күүсүнүн аталышы эмнеден улам келип чыккан?
"Саринжи-Бөкөй" — социалдык-турмуштук эпосторго кирет. Анда Бөкөйдүн иниси Саринжи менен пикир келишпестиктери баяндалат. Эпостун негизинде күү да жаралып, эл арасына негизинен Болуш Мадазимовдун аткаруусунда көп тараган.
Баатырлар согуш талаасын "Саринжи-Бөкөй" деп аташкан
Жеңиш учурунда куттуктоо үчүн айтылган сөз
Ага-ини Саринжи менен Бөкөйдүн атынан коюлган
Токтогул Сатылгановдун кыздардын сырын, кылыгын, назын баян кылган күүсү...
"Кыз кербез" - атайын бир лирикалык каарманга арналган эмес. Жалпы кыз аттуунун, өткөн кездин, учурдун жана кийинкинин кыздарынын сырын, кылыгын, назын баян кылган күү деп сыпатталат.
"Көкүл"
"Кыз кербези"
"Ибарат"
Өзүнө ашык болгон айымдын уялгандагы абалын сүрөттөгөн "Боз салкын" күүсү кайсы комузчуга таандык?
"Боз Салкын" күүсү 3 бөлүктөн турат. 3-бөлүгүндө күүчү өзүнө ашык болгон айымга жолукканын баяндайт. Экөө бетме-бет келген учурда ага ашыккан жандын уялгандан өңү бозоруп кеткен экен. Мындан улам күү "Боз Салкын" деп аталган. Ы.Туманов ар бир черткен күүсүнүн алдында анын баянын айтып бергендиги менен айырмаланган.
Ыбырай Туманов
Карамолдо Орозов
Намазбек Уралиев
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
2
1 |