Ысык-Көл. Жол кырсыгынан каза тапкан балдардын саны көбөйдү

Ысык-Көл облустук Ички иштер башкармалыгынын маалымат катчысы Сталбек Усубакуновдун билдиришинче, аймакта быйыл 10 айдын ичинде балдар катышкан 77 жол кырсыгы катталган. Былтыр мындай көрсөткүч 65 болгон. Кырсыкта 14 бала мерт болуп, 87си ар кандай жаракат алган. Эске сала кетсек, өткөн жылы өлүмгө кабылган балдардын саны 10го жетип, жаракат алгандары 67 болгон. Жол кырсыктын басымдуу бөлүгү Ак-Суу, Жети-Өгүз жана Түп райондорунда катталууда.