Сингапурда үйлөнүп жаткан жигит колуктусунан той учурунда өч алды

Сингапурдун жашоочусу үйлөнүү үлпөт күнүндө колуктусунан анын көзүнө чөп салгандыгы үчүн өч алды. Бул тууралуу чет элдик маалымат булактары жарыялады.

Маалыматта жазылгандай, өзүнүн сүйлөшүп жүргөн кызына үйлөнүп жаткан жигит той болуп жаткан учурда экөөнүн махабаты тууралуу даярдалган видеонун ордуна кыздын башка эркек менен жүргөн кезиндеги видеосун койгон.

Видеого турмушка чыгып жаткан кыз башка эркек менен мейманканага жетелешип кирип бара жаткандыгы тартылган. Үйлөнүп жаткан жигит тойго бир нече ай калганда атайын агенттерди жалдап, алар кыздын артынан түшкөн. Кызы анын көзүнө чөп салып жүргөнү аныкталгандан кийин күйөө боло турган эркек тойду токтотуунун ордуна көпчүлүктүн алдында андан өч алууну чечкен.

Видео көрсөтүлүп бүткөндөн кийин ал жигит кыздын тозокко кабылуусун каалай турганын айтып, салтанаттан кетип калган.