ММА боюнча Дүйнө чемпиондугунда Кыргыз спортчулар 5 медаль жеңип, жалпы командалык эсепте 3-орунга ээ болду

Казакстандын Астана шаарында 6-7-октябрь аралыгында өткөн эрежесиз уруш (ММА) боюнча Дүйнө чемпиондугунда Кыргыз мушкерлери 5 медаль жеңип алышты. Бул тууралуу Бүткүл дүйнөлүк ММА ассоциациясы маалымдайт.

Маалыматка ылайык, аталган мелдеште 30 өлкөдөн спортчулар катышкан. Кыргыз өлкөсүнөн 8 спортчу барып алардын ичинен 5 спортчу медалдарга татыган. Кыргыз мушкерлер 1 күмүш жана 4 коло медаль жеңип жалпы командалык эсепте 3-орунга ээ болду.

Жеңүүчүлөрдүн тизмеси:

70 килограмм салмак ченинде: Кубанычбек Туратбек уулу - күмүш медаль;

56 килограмм салмак ченинде: Азатбек Анарбай уулу - коло медаль;

77 килограмм салмак ченинде: Төлөгөн Рахманберди уулу - коло медаль;

84 килограмм салмак ченинде: Олжобай Кудайберди уулу - коло медаль;

93 килограмм салмак ченинде: Осман Абдулазизов - коло медаль.

Жалпы командалык жыйынтык:

1-орун - Орусия;

2-орун - Казакстан;

3-орун - Кыргыз өлкөсү.