Apple эски айфондорунун иштөөсүн атайылап начарлатабы?

IPhone телефондорун чыгарган америкалык Apple компаниясы iOS жаңылоолорун улам жаңы иштеп чыккан сайын телефондордун иштөө ылдамдыгын атайын начарлатып жатат деген ой жоруулар айтылып келет. Мындай божомолдорду компьютерлердин программалык жабдууларынын өндүрүмдүүлүгүн текшере турган финляндиялык Futuremark компаниясы текшерип чыкты.

Айтылып жаткан айыңдарга караганда, Apple компаниясы колдонуучулар жаңы чыгарган смартфондорду алсын деп атайын ушундай куулукка барат. Futuremark компаниясы 2016-жылдан баштап чогултулган 3DMark бенчмарк (өндүрүмдүүлүк үчүн тест) аркылуу изилдөө жүргүздү.

Аталган изилдөөнүн алкагында, iPhone телефондорунун 7 модели жана iOS'тун ар кайсы версиясындагы 100 миң өндүрүмдүүлүк тесттердин жыйынтыктары колдонулган. Изилдөөнүн жыйынтыгында 2013-жылы чыккан iPhone 5S телефонунан чыккан жыйынтык Apple иштөөсүн атайылап начарлатат деген ой жорууларды четке какты. Телефондордун ылдамдыгы начарлаганынын себеби ресурстарды көбүрөөк короткон жаңы функцияларды көтөрө албай калышы ыктымал дешет изилдөөчүлөр.

iPhone 6, iPhone 6S жана iPhone 7 моделдеринде атайын начарлатуу ыкмасы колдонулганы аныкталган жок.

Эксперттер колдонуучулардын мындай ойго барышы психологиялык факторлор болушу да мүмкүн экенин айтышат. Алардын айтымында колдонуучулар гаджеттердин улам жаңысы чыгып жатканын угуп-билген сайын эски смартфондорду жай иштеп калды деп ойлоп, жаңы смартфондордун артыкчылыгына суктануудан улам дейт эксперттер.