СУПЕРСТАН: "Жигиттер алгач кыздардын жүзүнө, бой-келбетине көңүл бурушат"

SUPER.KG порталынын "Суперстан" бөлүмүндө "Алгач баланын же кыздын эмнесине көӊүл бурасыӊар?" деген тема талкууга алынган.

Темадагы билдирүүлөрдөн:

"Жүзүнө карайм, себеби боёнгон кыздарды жактыра бербейм. Анан да эмнегедир колдоруна өзгөчө көңүл буруп карайм. Эмнеге экенин билбейм, ички дүйнөсүнө маани берем. Кыздардын колдорундагы узун тырмактарын жактырбайм".

"Тартынчаак болгонум үчүн адамдын жүзүнө тик карай албайм, бирок көзүн кароого аракет кылам. Көз көп нерсени айтып турат эмеспи. Анан дагы көпчүлүк учурда бут кийиминин таза же таза эместигине көңүл бурат экенмин".

"Чачын карайм. Кээ бир балдар бар го чачын өстүрүп анан, майланыштырып алышат. Анан да бою, кийген кийими маанилүү".

"Бир жолу окуу жайда балдар-кыздар болуп экиге бөлүнүп жарышып калган. Анан ушул суроого жооп берүү үчүн 1 мүнөт убакыт берилген. Кагаздарын алып караса, балдардын кагазында "жүзүн, фигурасын" деп, кыздардын кагазында "чачын, кийингенин, сулуулугун, фигурасын, көзүн, тазалыгын..." айтор, тырмактарынан бери жазышыптыр".

"Баары бир аялзаты жакшы сындайсыңар. Мугалимибиз "бутуңдагы кийген бут кийими кандай болсо, бала да ошондой болот" деп айта берчү. Анан класстын ичи бут крем жыттанып, танаписте арт жакка өтүп бут кремдейт элек. Сумкада бут майлар үзүлбөй калган".

"Билбейм биринчи адам өзү бүт бойдон мындай комплекстүү түрдө көзгө урунат го. Анан сүйлөгөнүнө, мимика, жест, манераларына көңүл бурасың дегендей. Кыскасы, жалпы образы көзгө урунат. Атайылап батинке, тырмак карабайм, унутуп калам".

Талкууга кошулгуңуз келсе, бул жакка кириңиз.