Супер-Инфо
super.kg видео
Кочкор-Ата шаарында президенттикке аттанып жаткан эки талапкер микрофон талашты
Кечээ, 8-октябрда Ноокен районундагы Кочкор-Ата шаарында президенттикке талапкерлер Адахан Мадумаров менен Сооронбай Жээнбеков микрофон талашты. Бул боюнча видео интернетке тарады.
Мадумаров SUPER.KG порталына билдиргендей, жыйын өтүп жаткан жерге кечээ саат 15:00гө алар чогулуш өткөрүү боюнча макулдашкан. "Сооронбай Жээнбековдун жыйыны саат 12:00дө өтүшү керек болчу. Ал атайын саат 15:00гө жылдырып, жыйын өтө турган жерге автоунааларды толтуруп коюптур. Мен жыйындан чыгып кеттим. Биздин артыбыздан жыйналган элдин көпчүлүгү чыгып кетишти. Стадиондун алдындагы аянтчада аябай чоң элдин катышуусунда жыйын өткөрдүм", - деди Мадумаров.
Сооронбай Жээнбековдун басма сөз катчысы Толгонай Стамалиева SUPER.KG'ге алардын жыйыны саат 15:00гө белгиленгенин билдирди. "Кечээ Жээнбековдун эки жолугушуусу бар болчу. Саат 11:00дө Майлуу-Суу шаарында, экинчиси Кочкор-Ата шаарында саат 15:00дө болду. Сооронбай Жээнбеков 1-2 жума мурун түзгөн графиктин негизинде иш алып барып жатат. Концерт башталганда Мадумаров тараптан эч ким келген эмес. Андан кийин талапкер сүйлөйүн дегенде келишти", - дейт Стамалиева.
Эске салсак, президенттик шайлоо 15-октябрда өтөт жана үгүт иштери 1 күн калганда аяктайт.
Кочкор-Ата шаарында президенттикке аттанып жаткан эки талапкер микрофон талашышты
-2
Гимн учурунда адам ордунда катып калсын же солдаттардай кыйкырып ырдасын деген нерсе жок. Гимн учурунда Мадумаров басып бара жатса, президент басып бара жаткандай элестетип койдум...
Мадумаровдун кийими бандиттердин кийими болсо, анда элдин баары бандит экен да, мигранттардын баары бандит экен да... Эми, ар ким оз денгээлине жараша ой жугуртот. Устунон костюм-шым тушпогон Атамбаевдин денгээлин да коруп жатабыз. Же калппы?!!