Финляндия тарыхында алгачкы жолу эркектин боюна бүткөндүгү айтылууда

Финляндияда алгачкы жолу эркектин боюна бүткөндүгү тууралуу чет элдик басылмалар жазып чыгышты.

Маалым болгондой, ал алгач аял болуп төрөлүп, кийин жынысын алмаштырган. Андан соң өзүн эркек киши катары тастыктаган документтерге ээ болгон. Эркекке айланган жаран гормоналдык дары-дармектерди ичүүнү токтоткон соң боюна бүтүп калган. Кызыгы, мындай кырдаалды анын өнөктөшү колдоого алган.

Учурда кош бойлуу эркектин ден соолугу жакшы. Бирок анын документтери эркектин наамында болгондуктан ооруканадагы аялдардын консультациясына катышуу бир аз көйгөй жаратып жатканы айтылып, трансгендердин аты-жөнү жашырылган.

Белгилей кетсек, мындай окуялар жогоруда аталган өлкөдө биринчи жолу кездешкени менен, дүйнөдө бир канча ирет катталган.