Бүгүн Азия Кубогунун тандап алуу оюндарынын 4-турунун алкагында Мьянма-Кыргыз беттеши орун алат

Бүгүн, 10-октябрда футбол боюнча Азия Кубогунун тандап алуу оюндарынын 4-турунун алкагында Мьянма-Кыргыз беттеши орун алат. Беттеш Мьянманын Янгон шаарында өтөт. Бул беттеш 5-сентябрда болбой калган оюнга жооптук оюн болмокчу.

Эске салсак, Кыргыз-Мьянма беттеши 5-сентябрда Бишкек шаарындагы Дөлөн Өмүрзаков атындагы стадиондо өтмөк. Оюндун токтотулганы тууралуу 4-сентябрда маалымат жыйында белгилүү болгон. Мындай чечимди Кыргыз Республикасынын премьер-министри Сапар Исаков Мьянмадагы мусулман-рохинджаларга байланыштуу кырдаалдан улам террордук акт уюштурулуп кетиши мүмкүн деген пикир менен кабыл алган.

Учурда "А" тайпасында Кыргыз футболчулары 3 упай менен 2-орунду Мьянма курамасы менен бөлүшүп келүүдө. Индия курамасы 3 турдун жыйынтыгында бардык атаандаштарынын үстүнөн жеңишке жетип 9 упайга ээ. Ал эми Макао курамасы атаандаштарынан жеңилүү ызасын тартып упайсыз келүүдө.

"А" тайпасындагы беттештер:

10-октябрь, 18:30 (Бишкек убактысы боюнча)

Мьянма - Кыргыз өлкөсү

11-октябрь, 20:00

Индия - Макао