Күрөк менен башка жеген Скай жарты башы менен жашап келет

Мындай травмадан кийин жаныбардын жашап кетиши өзүнчө бир керемет! Бул иттин аты Скай (Асман). Бул сүйкүмдүү итти белгисиз адам күрөк менен башка чаап, жыйынтыгында ит бир көзүнөн, кулагынан жана башынын дээрлик жартысынан айрылган.

Скай кадимкидей эле адамдарды сүйгөн короочу ит болгон. Аны белгисиз адам күрөк менен башка чаап кыйнаганда качып кутулуп, киши барбаган тынч жерге жатып жашынып алган. Жашынган коңулда анын канча жатканы белгисиз, бирок анын башындагы өлүү ткандары сыйрылып түшүп, жаракатынын бетин чөп жана түк басып кеткен. Таң калычтуусу, өлүм алдында жатса да Скай тирүү болгон. Жергиликтүү ветеринар итти таап алганда ал араң эле дем алып жаткан экен. Ал иттин бир нече тишин зыян келтирбеши үчүн жулуп салган. Скайдын акыбалын көргөн ветеринар өзү жалгыз дарылай албасын түшүнүп, кесиптештеринен жардам сураган. Ага ушул жылдын июнь айларында АКШда операция жасалган. Кайрымдуу жарандар иттин ден соолугуна деп акча да чогултушкан. Операциядан кийин скайдын жаагы бир аз ачылып, жумшак азыктарды жеп калган.

Азыр анын башын ветеринарлар толук калыбына келтире албаса дагы тамак жеп, ойноп, ал тургай кожоюн да тапкан. Иттин сол жагынан караганда абдан сүйкүмдүү жана жагымдуу. Оң жагынан караганда гана 4 аяктуу айбандардан өткөн мыкаачылар адамдардан чыгарын эстеп кетесиң.