Бишкекте педагогикалык окуу жайлардын быйылкы бүтүрүүчүлөрү жолугушат

29-майда Бишкектеги И.Арабаев атындагы Кыргыз мамлекеттик университетинде борбордогу педагогикалык окуу жайлардын быйылкы бүтүрүүчүлөрү жолугушат. Иш-чара “Мугалим - өлкөнүн жетишкендиги” деген ураандын астында өтөт. Ага билим берүү жана илим министри Канат Садыков, ЖКнын бир катар депутаттары, шаар башчысы менен окуу жайлардын мугалимдери катышмакчы. Жолугушуунун жүрүшүндө бүтүрүүчүлөргө ар кандай сыйлыктар тапшырылып, иш-чара концерттик программа менен коштолот.