Супер-Инфо
super.kg видео
БШКнын төрайымы "шайлоодогу бардык техникалык маселелер чечилди" дейт
Бүгүн, 15-октябрда Кыргыз Республикасынын президентин шайлоо башталды. Шайлоо тилкелеринин иштеп баштаганын белгилеген Борбордук шайлоо комиссиясынын төрайымы Нуржан Шайлдабекова техникалык маселелер толук чечилип, учурда 2 миң 375 шайлоо тилке иштеп жатканын билдирди.
“Учурда 2 миң 375 шайлоо тилкеси ачылды, анын 35и чет өлкөлөрдө. Андан сырткары шайлоочулар үчүн кошумча мүмкүнчүлүк түзүү үчүн кошумча 33 шайлоо тилкеси ачылды. Учурда бардык техникалык жактан маселелер чечилди. Бул шайлоодо жарандарды активдүү добуш берүүгө чакырабыз. Бул шайлоону тынч, коомдук тартип менен өткөрүү биздин негизги максатыбыз. Шайлоо таза, жакшы деңгээлде өтүүсү үчүн 775 эл аралык байкоочу 58 өлкөдөн келди. Ошондой эле Кыргыз өлкөсүнүн коомдук байкоочулары жана талапкерлердин байкоочулары болот”, - деди Шайлдабекова.
0
Ош шаарындагы Черемушка кичирайонундагы Терешкова атындагы мектепте жайгашкан №5283-шайлоо тилкесинде добуш берүү башталбай жатат. Мындай маалыматты "Соңку кабар" рубрикасына WhatsApp аркылуу окурман жөнөттү. "Саат 08:00дө башталат деген шайлоо бул шайлоо тилкесинде баштала элек. Саат 09:00гө жакындаса да бул жерде шайлоочулар кезекте турушат. Айрымдары жумуштарына шашылып, кетип калышты", - деп жазат окурман.