Супер-Инфо
super.kg видео
ЭЛДИК КАБАР: "Чет жерде жүрүп шайлоо тилкесине каттоодон өтүүгө жетишпей калганбыз. 30-сентябрга чейин гана каттоодон өтүү керек деген талаптын эмне кереги бар эле?" дейт окурман
Окурман шайлоо туура эмес тартипте өтүп жатканын, шайлоо тилкесине каттоодон өтүүгө жетишпей калгандыгы үчүн добуш бере албаганын айтып "Элдик кабар" бөлүмүнө WhatsApp аркылуу билдирүү жөнөттү.
"Биздин үйдө мен, жубайым, карындашым жана 3 куруучу добуш берүүгө катыша албай калдык. Биометрикалык маалымат тапшырганбыз, паспортторубуз дагы бар. Болгону чет жерде жүргөнүбүз үчүн шайлоо тилкесинен каттоодон өтүүгө жетишпей калганбыз. 15-сентябрдан 30-сентябрга чейин гана шайлоо тилкесинен каттоодон өтүш керек деген мыйзамдын эмне кереги бар эле? Бизге окшоп жетишпей калгандар жана ар кандай себеп менен укпай, билбей калгандар шайлоого катыша албай, четте томсоруп туруп калганы өкүнүчтүү. Эгерде мындай боло турган болсо, биометриканын кандай кажети бар эле?" - деди ал.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
Добуш берууго ар бир жакшы жеткен кыргыз жараны акылуу деп ойлойм.
Добуш берууго киргенибизде 5 добуш Адахан Кимсанбаевичке болмок...