Дубайда британиялык киши иорданиялык эркек адамдын санын кармаганы үчүн 3 айга камакка алынды

Дубайда британиялык Жейми Харрон аттуу адам башка эркектин санын кармаганы үчүн 3 айга камакка алынды. Бул тууралуу чет элдик басылмалар жазып чыгышты.

Маалыматка караганда, сот Жейми Харронду бул кылыгын атайын жасаган деген жыйынтыкка келген. Ал эми Жейми муну четке кагып, жабырлануучу анын жолунда турганы үчүн кокустан санын кармап алганын айткан. Жактоочулар Жейми соттун чечиминен улам кийинки жашоосу үчүн тынчсызданып жатканын билдиришкен.

"Окуя ушул жылдын жай айында болгон. Дубайдагы барлардын биринде Жейми Харрон иорданиялык адамдын санын кокустан кармап алгандыктан, иорданиялык киши кароолчуну жана тартип сакчыларын чакырган. Жейми Дубайда көп эс аларын, жергиликтүү элдин салттарын билгендиктен башка эркектерге билип туруп колун тийгизбей турганын билдирген", - деп жазылат маалыматта.