Эки шайлоо тилкесинде президенттик шайлоонун жыйынтыгы жокко чыгарылды

Эки шайлоо тилкесинде 15-октябрда өткөн президенттик шайлоонун жыйынтыгы жокко чыгарылды. Бул тууралуу 23-октябрда SUPER.KG порталына БШКнын тийиштүү бөлүмүнөн билдиришти. Шайлоо жыйынтыгы Анкара шаарындагы добуш берүү жайында жана Бишкек шаарындагы №1243-шайлоо тилкесинде жокко чыгарылган. Себеп - идентификациядан өтпөгөн шайлоочуларга бюллетендердин берилиши. БШКнын маалыматы боюнча, бул жокко чыгаруулар шайлоонун жалпы жыйынтыгына олуттуу таасирин тийгизбейт.

Өлкөдө президенттик шайлоо 15-октябрда өткөн. Анда биринчини Сооронбай Жээнбеков, экинчини Өмүрбек Бабанов, үчүнчүнү Адахан Мадумаров алган. Жээнбеков 54 пайыздан ашык көрсөткүч менен биринчи турда эле жеӊишке жетишти.