Ачкачылык жарыялаган экс-министр Равшан Сабировдун абалы оор

Ачкачылык жарыялаган экс-министр Равшан Сабировдун абалы оор. Бул тууралуу 29-майда Акыйкатчы институтунун кызматкерлери №47-абакта болуп, мурдагы социалдык өнүктүрүү министри Равшан Сабировдун абалы менен таанышып чыккан соң белгилүү болду. Өзүн күнөөлүү деп эсептебей турганын билдирип, Жогорку Соттун чечимине каршы Р.Сабировдун ачкачылык жарыялаганына бүгүн 3 күн болду. Ачкачылыктан улам анын ден соолугу кескин начарлап, кан басымы төмөндөгөн жана көзү караңгылап, мезгил-мезгили менен мурдунан кан агып жатканын билдирди аталган мекеменин басма сөз кызматы.