Ырчы Селена Гомес бөйрөгүн алмаштырган соң 13 килограммга арыктаганы айтылууда

Белгилүү америкалык ырчы жана актриса Селена Гомес бөйрөгүн алмаштырып операция жасаткан соң 13 килограммга арыктап кеткени айтылууда. Бул тууралуу чет элдик басылмалар жазып чыгышты.

Маалыматка караганда, жакында интернетке Селена Гоместин Нью-Йоркто сейилдеп жүргөндөгү сүрөтү жарыяланган. Андан ырчынын бир топ арыктап кеткенин байкоого болот. Америкалык басылмалар ырчы сентябрда бөйрөгүнө операция жасаткандан бери 13 килограммга арыктаганын жазышкан.

Ал эми белгилүү америкалык диетолог Шак Смит журналисттерге берген маегинде бөйрөгүн алмаштыруу боюнча операция жасаткан бейтаптардын көпчүлүгү операциядан кийин тамактануудагы чектөөлөр жоюлгандыктан, тескерисинче салмак кошорун айткан. Мындан улам ырчы операциядан соң диетага отуруп, спорт менен машыга баштаган болушу мүмкүн деп билдирген. Дарыгер Селена Гомести жок дегенде 5 килограммдай салмак кошууга чакырган.