Баарын сатып мышыгы менен жер кезип кеткен жигит

Эки жарым жыл мурун бул жигит иштеп жаткан жумушун таштап, бар мүлкүн сатып, жанына Уиллоу аттуу кара мышыгын алып Австралиянын аймагын кыдырууга чыгып кеткен.

Уиллоу болсо жөнөкөй эле кара мышык. Аны бир жолу ээси Рич жолбун жаныбарлар кабыл алынуучу жайдан алган. 2015-жылдын май айында Рич менен Уиллоу Тасманиядагы үйүн сатып, төрт дөңгөлөктүү жылып жүргөн үйү менен чыгып кетишкен.

"Мен үйүмдү жана баарын саттым, жумушумду таштадым, болгон мүлкүмдү саттым. Мунун баары өмүр бою эсимден кеткис окуялар үчүн жасалды. Бирок мүлкүм менен коштошкон күндө да мышыгымдан ажырай алган жокмун, аны өзүм менен кошо алып алдым", - дейт саякатчы Рич.

"Уиллоу экөөбүз артыбызга Австралиянын 6 штатын калтырып, 2017-жылдын февраль айында көптөн күткөн саякатыбыздын соңку чеги - Түштүк Австралияга жеттик. Деңиз аркылуу рифтерди ашып өттүк, тоолордо түнөдүк, эки тарабын укмуштуудай кооз бактар каптаган миңдеген чакырым унаа жолдорду басып өттүк".

"Кээ бир адамдар менин мышык менен саякаттап жүргөнүмө таң калышат. А Уиллоу болсо абдан тынч жаныбар, ага биздин жашоонун жаңы образы жакты окшойт. Ал биз жаңы барган жерлерге кызыгуусун билдирип, дайым өз алдынча кыдырып келүүгө кетет. Анын моюнунда кай жакта жүргөнүнөн маалымат берүүчү чип бар. Ошол себептен анын өмүрү коопсуз. Мен ал үчүн кам көрөм".

"Мен үчүн биздин сүрөттөрүбүздү көрүп кубанып жаткан адамдарды көргөн жагымдуу. Бул көрүнүш мага дем берип, саякатымды дагы улагым келет. Менин токтоп калайын деген каалоом жок. Биз канчалаган тоо, токойлорду кыдырдык. Биз кантип бактылуу болуштун жолун башкадан эмес, өзүбүздөн издешибиз керек экен".

Мен мышыгым Уиллоу менен аябай сыймыктанам. Ал эң сонун сапарлаш!