Данияр Төлөнов Жогорку Кеңештин вице-спикерлигинен кетти

Бүгүн, 26-октябрда Жогорку Кеңештин "Кыргызстан" фракциясынан депутат Данияр Төлөнов вице-спикер кызматынан өз каалоосу менен кетти. Себебин ал төмөнкүдөй түшүндүрдү.

"Биз жаңы шайланган төрага Дастан Жумабеков менен бир партиялашпыз. Биз башка фракциялардын депутаттарына мүмкүнчүлүк беришибиз керек. Бул этикалык нормаларга деле туура келбейт. Ошондуктан мен Кыргыз Республикасынын Жогорку Кеңешинин төрагасынын орун басары кызматынан өз каалоом менен кетүүнү чечтим. Бир жылга жакын силер менен иштедим. Мен баарыңыздарга терең ыраазычылык билдирем", - деди Төлөнов.