7-ноябрь дем алыш күн болгондугуна байланыштуу 4 күн катары менен эс алуу болот

Премьер-министр Сапар Исаков 28-октябрдагы эс алуу күнүн 6-ноябрдагы жумуш күнү менен алмаштыруу тууралуу токтомго кол койду. Бул тууралу бүгүн, 26-октябрда өкмөттүн басма сөз кызматынан билдиришти.

Маалыматка ылайык, эс алуу күндөрүн туура пайдалануу максатында кабыл алынган бул токтом 5 күндүк иш графигинде эмгектенген мекеме, ишкана жана уюмдарга таандык.

Ошентип, 5 күндүк иш графигинде эмгектенген мекеме, ишкана жана уюмдардын кызматкерлери 4-ноябрдан 7-ноябрга чейин 4 күн катары менен эс алышат.

7-ноябрь - Улуу Октябрь революциясынын күнү. Бул күн Кыргыз Республикасында майрам болуп эсептелинет.