Талас. Облуста маданият кызматкерлеринин республикалык семинар-кеңешмеси болот

Ушул жылдын 20-23-июнь күндөрү Маданият, маалымат жана туризм министрлигинин демилгеси менен Талас облусунда маданият кызматкерлеринин республикалык семинар-кеңешмеси болот. Бул тууралуу бүгүн, 30-майда Талас шаарындагы К.Медетбеков атындагы драма театрдын башчысы Кубан Эстебесов билдирди. Аталган кеңешмеде айылдык Маданият үйлөрүндө аткарылып жаткан иштер, жергиликтүү бийлик менен маданият кызматкерлеринин ортосундагы алака, ошондой эле Ч.Айтматовдун 85 жылдыгын өткөрүү маселелери талкууланат.