Бажы тармагында коррупцияга каршы күрөшүү тобу түзүлдү

Бүгүн, 31-октябрда Бишкекте коомдук ишмерлер, укук коргоочулар жана активисттер Бажы кызматындагы аткезчилик жана коррупция маселесин талкуулап, жыйынтыгында коррупцияга каршы топ түзүштү. Түзүлгөн топ кабыл алган чечимине жарандык коом тарабынан түзүлгөн топту жана депутаттарды кошуп Жогорку Кеңешке комиссия түзүү сунушун киргизишти. Комиссия түзүлсө ал аркылуу Бажы кызматынын коррупциялык схемаларды ачыкка чыгарып, анын негизинде коррупция менен күрөшмөкчү. Талкуу учурунда коомдук ишмерлер Бажы кызматы тарабынан тымызын жолдор аркылуу коррупциялык аракеттер болуп келгенин анын жыйынтыгында мамлекеттик казынага бир топ каражаттар түшпөй калганын белгилешти. Жогорку Кеңештин мурдагы депутат Жолпон Жакупова коңшу мамлекеттер менен товар жүгүртүүдө бир жылы жогорку көрсөткүч болсо, экинчи жылдары кайра төмөндөп кетип жатканын ортого салды.