Бишкектеги Арча-Бешик жаңы конушунда жаңы балдар аянтчасы ачылат

1-июнь күнү саат 10:00дө Балдарды коргоонун эл аралык күнүнө карата Бишкектеги Арча-Бешик жаңы конушунун Кривоносов жана Набережная көчөлөрүнүн кесилишинде жаңы балдар аянтчасынын ачылышы болот. Бул тууралуу Бишкек шаардык мэриясынын басма сөз кызматы билдирди. Аянтча Ленин райондук администрациясынын демилгеси жана каржылоосу менен курулган. Жаңы аянтчада 6 отургуч, 6 селкинчек, 2 балдар ойноочу атайын орундук жана башка балдарга ылайыкталган жабдыктар бар.