Жогорку Кеңеш: "8-ноябрь иш күнү боюнча калды"

Бүгүн, 2-ноябрда Жогорку Кеңештин басма сөз кызматы 8-ноябрь иш күнү боюнча калганын билдирди.

"Жогорку Кеңеш өз токтому менен президенттин 7-8-ноябрь күндөрүн жыл сайын Тарых жана ата-бабаларды эскерүү күндөрү катары белгилөө тууралуу сунушун колдоого алгандыгын билдирет. Буга байланыштуу 8-ноябрды календардын “кызыл күнү” кылып жарыялоо үчүн Эмгек кодексине өзгөртүү киргизилиши зарыл. Мындай мыйзам долбоору Жогорку Кеңеш тарабынан кечээ, 1-ноябрда биринчи окууда кабыл алынды. Андыктан “Эмгек кодексине өзгөртүүлөрдү киргизүү жөнүндө” мыйзам долбоору 3 окуудан кабыл алынгандан кийин гана 8-ноябрь жумуш эмес күн катары жарыяланат", - деп жазылган маалыматта.