Биринчи вице-премьер-министр Жоомарт Оторбаев Минскте өтүүчү ЕврАзЭШ эл аралык кеңешинин 36-жыйынына катышат

31-май күнү Беларусь өлкөсүнүн Минск шаарында ЕврАзЭШ эл аралык кеңешинин 36-жыйыны болот. Ага Кыргызстандын атынан биринчи вице-премьер-министр Жоомарт Оторбаев баш болгон делегация катышат. Күн тартибинде ЕврАзЭШ эл аралык кеңешинин 34-жыйынында кредиттик рейтингдик агенттиктердин ишмердүүлүгү,  ЕврАзЭШтин бюджетинин 2012-жылдагы аткарылышы жана башкалар жөнүндө кабыл алынган чечимдерди ишке ашыруу маселелери талкууланат. Мындан сырткары жыйындын алкагында билим берүү, саламаттыкты сактоо тармагындагы келишимдерди кароо жана кол коюу сунушталууда.