СУПЕРСТАН: "Жигити жок жүргөн жакшы, баскан-турганың жөнүндө эч кимге отчёт бербейсиң"

SUPER.KG порталынын "Суперстан" бөлүмүндө "Жигит менен жүргөнчө, жүрбөгөн жакшы" деген тема талкууга алынган. Темадагы билдирүүлөрдөн:

"Менин жигити бар курбуларым "жигити жок жүргөн жакшы" дешет. Басып-турганың кенен, эч кимге отчёт бербейт экенсиң. Ал эми жигити жок "бойдоктор" "жигит болгон жакшы да, ар дайым жаныңда болуп, колдоп турат" дешет. Кыскасы, адамга оңой менен бир нерсе жакпайт эмеспи, ошентип кейип калышат".

"Адам бирөөгө мээрим төгүп, керек экенин сезип жашашы керек эмеспи. Динде "жалгыз адамга шайтан жолдош" дейт имиш. Азаптан бакыт жаралат дейт. Азыр кимдир бирөөгө тынчсызданып, отчёт берип койсоң, кийин ал сага түшүмүн берет. А балким сулуу кыздардын, тентек уулдардын атасы болуп калышы ажеп эмес".

"Азыркы замандын жигиттерине сөз жок. Жалган сөздөр менен кыз жүрөгүн багындырышат, ошондуктан кыргыздын кыздарына айтайын дегеним - абайлагыла".

"Бардык нерсенин эки тарабы болот да. Мен өзүмдүн оюмду айта кетсем, жактырбаган адамыңдын жанында жүргөнчө жалгыз эле жүрө бергениң оң. Баскан турганыңды көзөмөлдөй берген адамдарды жаман көрөм. Эгер жактырган адамың болсо, жанында болгонуң жакшы. Болбосо "көзөмөлдөөчүсү" жок эле жүрө бергенге жетери жок".

"Жигитиң болсо жакшы. Жигитиң күн сайын эртең менен ойготот, жол чыракта кызыл күйгөндө басып баратсаң кармап токтотуп калат. Үшүсөң, кийимин берет. Курсагың ачса, тамак алып берет. Коркунучтуу кино көргөндө кучактап отурат. Туулган күнүңдөн бир күн мурун куттуктап коёт. "Түнүң бейпил болсун, шириним" деп күн сайын смс жазып же чалып айтып анан өзү уктайт. "Боёнбой эле койчу, сен сулуусуң го" дейт. Ооруганда түнкү 3тө чалып ыйласаң угат, сооротот. Анан эртең менен "кечээ неге ыйладың, жан" деп сурайт.

Талкууга кошулгуңуз келсе, бул жакка кириңиз.