Америкалык ырчы Мэрайя Кэринин арыктоо максатында ашказанын кичирейткени айтылууда

Соңку жылдары америкалык ырчы, продюсер жана актриса Мэрайя Кэринин бир топко салмак кошуп, толуп кеткенине жалпы күйөрмандары күбө. Ырчы өзүн арык көрсөтүү максатында интернеттеги социалдык тармактагы баракчасына сүрөттөрүн фотошоп менен жасап жүктөгөн учурлар да катталып, колдонуучулар тарабынан ар түрдүү сын-пикирлер айтылып келген. Ал эми жакында эле аты-жөнүн жашырган ырчынын жакындарынын бири чет элдик басылмага маек берип, Кэри ашыкча толуп кеткени үчүн абдан тынчсызданып, 1 ай мурун ашказанын кичирейтүү үчүн операцияны башынан өткөргөнүн айтып берген.

Маалым болгондой, операция Беверли-Хиллздеги белгилүү клиникалардын биринде өткөн.

"Ал дайыма өзүнүн келбетине суктанчу. Бирок жайында гастролдук турнеде жүрүп, толуктугунан улам бийлегенге ыңгайсыздык жарала баштаганын байкаган. Андыктан азыраак тамактанып, арыктоо максатында ашказанын кичирейткен. Операция болгондон бери 1 ай өттү, азыр абалы жакшы", - деген ал.

Белгилей кетсек, ырчы 1-ноябрда Голливуддагы кечелердин бирине кара түстөгү денеге жабышкан көйнөк кийип келген. Анда чын эле мурункуга салыштырмалуу ичи тартылып, бели бир аз ичкере түшкөндөй элес калтырган. А бирок Кэри өзү бул тууралуу эч кандай билдирүү тарата элек.