Полиэтилен баштыктар кайра депутаттардын тынчын алууда

Жогорку Кеңештин 8-ноябрдагы жыйынында КСДП фракциясынан депутат Кожобек Рыспаев полиэтилен баштыктарды колдонууга тыюу салууга мезгил келгенин айтты. Депутат бул маселени "Атмосфералык абаны коргоо жөнүндө” жана “Экологиялык экспертиза жөнүндө” мыйзам долбоору талкууланып жаткан учурда көтөрдү.

"Көчөгө чыксаң баштыктар учат. Өнүккөн өлкөлөрдө эчак эле мындай баштыктарды колдонууга тыюу салынып, кагаз жана башка эрип жок болуп кете турган баштыктарга өтүштү. Азыр көлдө полиэтилен баштыктар толуп жатат. Биз 5-чакырылышта мындай мыйзамды сунуштаганбыз. Бирок депутаттар аны өткөрбөй коюшкан. Өкмөт, силер ойлонгончо үч жыл өтүп кетти. Качан ушундай мыйзам сунуштайсыңар? Полиэтилен баштыктарды колдонууга тыюу салууга мезгил келди", - деди Рыспаев.