Президенттик аппараттын маалыматтык саясат бөлүмүнүн башчысы болуп Толгонай Стамалиева дайындалды

Толгонай Стамалиева президенттик аппараттын маалыматтык саясат бөлүмүнүн башчысы болуп дайындалды. Бул тууралуу аппараттын маалымат кызматынан кабарлашты.

"Тийиштүү жарлыкка Кыргыз Республикасынын президенти Алмазбек Атамбаев кол койду", - деп билдирди аталган кызматтан.

Толгонай Стамалиева 42 жашта. Ал 1998-жылы Кыргыз мамлекеттик улуттук университетинин журналистика факультетин аяктаган.

Борбордук шайлоо комиссиясынын маалымат катчысы, Жогорку Кеңештин маалымат кызматынын башчысы, "Манас" эл аралык ААКсынын сырткы байланыштар бөлүмүнүн башчысы кызматтарында эмгектенген.

2015-жылы президенттик аппараттын маалыматтык саясат бөлүмүнүн башчысынын орун басары болуп иштеп, 2016-жылдын 15-апрелинде өкмөттүн аппаратынын маалыматтык камсыздоо бөлүмүнүн башчылыгына дайындалган. Акыркы убакта президенттик шайлоодон утуп чыккан Сооронбай Жээнбековдун штабында анын басма сөз катчысы катары иштеп жаткан.