Президент Алмазбек Атамбаевдин маалымат жыйыны 5 күнгө жылдырылды

Президент Алмазбек Атамбаевдин 15-ноябрга белгиленген маалымат жыйыны артка жылдырылды. Маалыматты бүгүн, 14-ноябрда SUPER.KG'ге президенттик аппараттан ырасташты. Өлкө жетекчисинин журналисттер менен жолугушуусу 20-ноябрда өтмөкчү.

"15-ноябрь - болжолдуу дата болчу. Президенттин иш графиги кээде өзгөрөт, ошондуктан 20-ноябрга жылдырылды", - деп билдирди президенттик аппараттын маалыматтык саясат бөлүмүнүн башчысы Толгонай Стамалиева.

Эскерте кетсек, бул жолугушуу Алмазбек Атамбаевдин президент катары ММК өкүлдөрүнө акыркы жолу маалымат жыйын бериши болот.