Өлүм алдында жаткандар үчүн эң ыңгайлуу музыка аныкталды

Өлүм алдында жаткандар үчүн жана акыркы сапарга узатуу үчүн эң ыңгайлуу музыка аныкталды. Бул тууралуу чет элдик маалымат каражаттары жазды.

Белгилүү болгондой, Шотландиянын Vanishing Point театрынын музыканттары Scottish Ensemble музыкалык коллективи менен биргеликте өзгөчө изилдөө жүргүзүшкөн. Алар бул дүйнөдөн кайсы музыка менен акыркы сапарга узоо ыңгайлуу экенин аныкташкан.

Жүргүзүлгөн изилдөөлөрдүн жана өткөрүлгөн эксперименттердин жыйынтыгында, өлүм үчүн эң ыңгайлуу музыка болуп совет-эстон композитору Арво Пярттын музыкалары аталган. Композитордун эмгектеринин ичинен өлүм алдында жаткан адам үчүн эң ыңгайлуу музыка деп "Эки кыл кыяктын концерти" менен "Кылдуу аспаптар жана Tabula Rasa фортепианосу" аталышындагы композициялары тандалып алынган.

Музыкалык компаниянын директору Мэттью Лентондун билдиргенине таянсак, Пярттын музыкасы түбөлүккө жаңырчудай сезим калтырат.

"Бул музыка өлүм алдында жаткан адамга, өлүмдөн кийин да жашоо бар экенине ишенүүгө жардам берет", - деп билдирген Лентон.

Изилдөөчүлөр мындан сырткары Ла Монте Янг, Филип Гласс жана Иоганн Себастьян Бахтын да музыкалары өлүм менен бет келишкенге эң ыңгайлуу музыкалар экенин белгилешкен.