Турсунбай Бакир уулу "өкмөт башчы тез арада Ысык-Көлдөгү митингчилерге барышы керек" дейт

“Өкмөт башчы Жантөрө Сатыбалдиев тез арада Ысык-Көл облусундагы митингчилерге барышы керек”. Мындай пикирин бүгүн, 31-майда “Ар-намыс” фракциясынын депутаты Турсунбай Бакир уулу билдирди. Анын айтымында, премьер-министр эл менен жолугушуп, сүйлөшүүлөрдү жүргүзүшү кажет. “Путин же Медведев болсо, өлкөнүн бир четинен экинчи жагына бармак, биздикилер коңшу облуска барбай жатышат. Президент өзгөчө кырдаал киргизип туура иш кылды”,- дейт эл өкүлү.