Япониялык компания метро өз убагынан 20 секунд эрте жүрүп кеткени үчүн кечирим сурады

Япониялык метролор убакытка тактыгы менен көпчүлүктү таң калтырып келет. Бирок ушул шейшемби, 14-ноябрда Токионун Metropolitan Intercity Railway түштүк темир жол компаниясынын каттамында жүргөн метро өз убактысынан 20 секундга эрте жүрүп кеткен. Тактап айтканда, эртең менен саат 9:44тө ордунан козголо турган метро саат 9:43:40та жолго чыккан. Мындан улам аталган каттамдын өкүлдөрү коомчулуктан расмий түрдө кечирим сурашкан.

"14-ноябрь күнү болжол менен саат 9:44тө Metropolitan Intercity Railway түштүк темир жол компаниясы көрсөтүлгөн убакыттан 20 секунд эрте кетип калганыбыз үчүн кечирим сурайбыз. Биз Япониянын метролору башка өлкөлөргө караганда убакытка так экенин жакшы билебиз. Бизге япониялык кабарчы Сато, "20 секунд ушунчалык маанилүүбү?" деген суроо узатты. Чынында эле жүргүнчүлөр 20 секунддук айырманы байкай алышабы? Анын үстүнө метролор ар бир 4 мүнөт сайын каттайт эмеспи", - деп ойлондук. Бирок кайрадан ой жүгүртүп көрүп, эгер бизден башка да метролор ушундай жоопкерчиликсиз мамиле кылышса, демек, канчалаган адамдар жумуштарына, окуучулар мектепке кечигип барышмак экен. Мындан улам кетирген катачылыгыбызды моюндап, калктан кечирим суроону туура көрдүк", - деп жазылган катта.