Бишкекте 13 жаштагы баланы унаа сүзүп кетип, ал ооруканага жеткирилди

Бишкекте айдоочу Ниссан Примера үлгүсүндөгү унаасы менен 13 жаштагы баланы сүзүп кетти. Бишкек ШИИББинин Патрулдук милиция башкармалыгынан SUPER.KG'ге билдиришкендей, кырсык бүгүн, 16-ноябрда шаардагы Ахунбаев менен Островский көчөлөрүнүн кесилишинде түшкө маал болгон.

"1981-жылы туулган Ж.А. аттуу айдоочу Ахунбаев көчөсү менен күн батышка карай баратып баланы сүзүп алган. Бала алган жаракатынан улам №3-балдар ооруканасына жиберилди. Ал эми унаа айып аянтчасына токтотулуп, өзүн убактылуу камакка алуу үчүн милиция кызматкерлерине өткөрүлүп берилди", - дешти Патрулдук милиция башкармалыгынан.