Нидерланды өлкөсүндө эми каргалар көчөдөгү тамекинин калдыктарын жыйнайт

Нидерланды өлкөсүндө эми каргалар көчөдөгү тамекинин калдыктарын жыйнайт. Бул тууралуу чет элдик маалымат каражаттары кабарлады.

Белгилүү болгондой, Нидерланды өлкөсүндө атайын жүргүзүлгөн изилдөөлөрдүн жыйынтыгында, каргаларды көчөдөгү тамекинин калдыктарын жыйноого үйрөтүү мүмкүн экендиги билинген.

Жыл сайын бул өлкөнүн көчөлөрүнө 4,5 триллион тамекинин калдыктары ташталат. Жерге түшкөн калдык 12 жылдын ичинде гана чирип жок болот. Жаңы башталган Crowded Cities программасы каргаларды жерге ташталган тамекинин калдыктарын чогултуп, атайын жасалган урналарга таштоону үйрөтмөкчү.

Ал урналар тамекинин калдыгын гана тааныйт жана кабыл алат. Эгерде карга чын эле чылымдан калган калдыктарды алып келсе урна ага жем берет. Муну менен карганы тамекинин калдыктарын чогултууга үйрөтөт.

Атайын урналар жөнөкөй таштандыдан тамекинин калдыктарын андагы фильтринен улам айрып билет.