Парламент комитети өлкөнүн 2018-жылга республикалык бюджети жана 2019-2020-жылдарга болжолу жөнүндө мыйзам долбоорун жактырды

Бүгүн, 17-ноябрда парламент комитети өлкөнүн 2018-жылга республикалык бюджети жана 2019-2020-жылдарга болжолу жөнүндө мыйзам долбоорун жактырды.

Каржы министри Адылбек Касымалиев билдиргендей, 2018-жылга мамлекеттик бюджеттин кирешелеринин жалпы көлөмү 158 398, 1 миллион сом же ички дүң продукцияга карата 29,4 пайыз деңгээлинде болжолдонууда. “Номиналдык жактан кирешелердин көлөмү 2017-жылдын бекитилген бюджетине салыштырганда 12,4 пайызга көбөйөт. 2019-2020-жылдардагы мезгилде республикалык бюджеттин кирешелери тиешелүү түрдө 142 129, 8 миллион сомду түзөт", - деди министр.