"Жубайым менин кызматтан кетериме кубанып жатат" деди президент

Бишкекте президент Алмазбек Атамбаевдин маалымат жыйыны өтүүдө.

Жыйында журналисттер өлкө жетекчисинин кызматтан кетип жатышына жубайы кандай карай турганына кызыгышты.

"Биринчи айым менин кызматтан кетип жатканыма кубанычта. Ал Дача-СУ айылына Боинг учагы кулагандан кийин учакта Раиса Атамбаеванын алтындары болгон деген ушактардан улам тамчылатма дары алып чыккан. Кызматтан кетип жатканыма өзүм да кубанычтамын", - деди Атамбаев.

Эскерте кетсек, президенттин бул жолку маалымат жыйыны мурдагылардан кыска болору айтылган. Өлкө жетекчиси 2 сааттан бери суроолорго жооп берүүдө.