"ЭЛДИК КАБАРга" жооп: "Баатыр энелерге көмүр өз убагында берилип жатат"

Бишкек шаарында жашаган көмүргө муктаж болгон Баатыр энелерге, ден соолугунун мүмкүнчүлүгү чектелгендерге көмүр өз убагында берилип жатат. Бул тууралуу SUPER.KG порталына Бишкек шаардык социалдык өнүктүрүү башкармалыгынын жетекчиси Нурбек Курманбеков билдирди.

"Бүгүнкү күндө көмүргө муктаж болгон жарандарга, көмүр өз убагында берилип жатат. Көмүрдүн запасы азыркы күндө жетиштүү. Ал эми Кызыл-Аскердеги Кайназарова көчөсүндө жайгашкан көмүр таратуучу кошумча тилкеде трактордун бузулуп калгандыгына байланыштуу убактылуу көмүр таратуу токтогон", - деп билдирди Курманбеков.

Ошондой эле башкармалыктын жетекчиси техника оңолгон соң көмүр таратуу кайра башталарын кошумчалады.

Эскерте кетсек, буга чейин окурман SUPER.KG порталына көмүр таратуу маселеси боюнча кабарлаган.