Чек ара кызматынын башчысынын ордуна Искендер Мамбеталиев келди

Чек ара кызматынын башчысынын ордуна Искендер Мамбеталиев убактылуу келди. Бул тууралуу бүгүн, 1-июнда Чек ара кызматынын басма сөз катчысы Гүлмира Бөрүбаева билдирди. "Биздин эреже боюнча, кызматтын башчысы иштен кетсе анын ордуна штабдын жетекчиси иш алып барып турат",- деди Бөрүбаева. Айта кетсек,  Искендер Мамбеталиев - Чек ара кызматынын штаб башчысы. Эске салсак, бүгүн өкмөт башчысы Жантөрө Сатыбалдиев Чек ара кызматынын башчысы Токон Мамытовду өкмөттүн Ысык-Көлдөгү өкүлү кылып дайындаган болчу.