СУПЕРСТАН: "Жигиттер, силерге кыздардын кандай сапаттары жакпайт?"

SUPER.KG порталынын "Суперстан" бөлүмүндө "Жигиттер, силерге кыздардын эмнеси жакпайт?" деген тема талкууга алынган.

Темадагы билдирүүлөрдөн:

"Мага өзүн-өзү көтөргөн, чалчаңдап сагыз чайнаган, аябай боёнгон, тамеки тарткан, тамашаны түшүнбөгөн кыздар жакпайт. Кээ бир кыздарга көчөдөн кетип баратып тамашалап тийишип койсоң, башталат, өзүн көтөрүп, кагып-силкип. Тийишкен бала жаман көрүп тийишпейт да. Жакпаса акырын эле айтып койсун, жигитим бар деп. Анан жанагы концерттердеги элдин астын тосуп алып ырчыларды сүрөткө тартат го. Артында киши отурабы, жокпу, урганы да жок. Ырчыны тартып алдың, эмне болду эми? Андан көрө интернеттен карасаң, андан сонун сүрөттөрү бар".

"Мага ичип-чеккен, 32 тишин көрсөтүп күлө берген жана мааниси жок эле сүйлөй берген кыздар жакпайт".

"Наалый берген, жумурткадан кыр издеген кыздар жакпайт. Өзүнүн жанында эркекти чыныгы эркек сездирген кыздар жагат. Миң сулуу же акылдуу болсо да, эркек анын жанында эркек бойдон калса, ыңгайсыз абалда калбаса..."

"Кыздар таза, тыкан жүрүшсө экен дейм, анткени айрымдары жумалап жуунбагандай сезилет. Өзүңөрдөн чоң колготки кийбегилечи, ал басканыңарда шыпырылып турса, кыжырым келет. Колготкисин тарта албаган кыз аял болуп жыргатмак беле деген ой келет экен".

"Сүйүп көрбөсөм да айтып коёюн. Кыздардын мага күттүргөнү жакпайт".

"Сөгүнүп сүйлөгөн кыздар жакпайт. Азыркы учурда мындайларды абдан көп кезиктирип жатам".

"Эркек балдардай баскан, каткырып оозун чоң ачып күлгөн кыздар жакпайт".

Талкууга кошулгуңуз келсе, бул жакка кириңиз.