Бүгүн Чемпиондор Лигасы уланат. Анда "Ювентус" "Барселонаны" кабыл алат

Бүгүн, 22-ноябрдан 23-ноябрга караган түнү Европадагы эң ири футболдук лига - Чемпиондор Лигасынын тайпалык баскычында 5-турдун оюндары ойнолот. Бул күнү "А", "В", "С" жана "D" тайпаларындагы командалардын беттеши орун алат.

Анда эң кызыктуу беттеш катары "Ювентус"-"Барселона" оюнун саноого болот. Андан тышкары "Атлетико Мадрид"-"Рома" жана "ЦСКА"-"Бенфика" беттешин көрүүгө болот.

Тайпадагы абал:

"А" тайпасында лидерликти "Манчестер Юнайтед" футболдук клубу сактап, жалпы 12 упай топтоп алдын ала кийинки этапка жолдомо алган. 2-орунда 6 упайдан топтогон "Базель" жана "ЦСКА" талашууда. Ал эми 4-орунда упайсыз "Бенфика" командасы жайгашкан.

"В" тайпасында 4 турдун жыйынтыгында "ПСЖ" командасы 12 упай менен 1-орунда жайгашкан. Ал 2-орунда жайгашкан "Бавария" футболдук клубу менен бирге плей-офф баскычына алдын ала чыга алышты. 3-орунда 3 упай менен "Селтик" жайгашса, "Андерлехт" 4 жолу жеңилүү ызасын тартып 0 упай менен 4-орунда орун алууда.

"С" тайпасында сап башында "Рома" жайгашкан, ал 4 беттеште 8 упай топтогон. 2-орунда 7 упай менен "Челси" командасы келүүдө. 3-орунда 3 упай топтогон "Атлетико Мадрид" клубу жайгашкан. Ал эми 4-орунду упайсыз "Карабах" клубу ээлеп келүүдө.

"D" тайпасында 3 турдун жыйынтыгында 10 упайга ээ "Барселона" клубу 1-орунда келе жатат. 2-орунда 7 упай топтоп "Ювентус" келүүдө. "Спортинг" 4 упай менен 3-орунда келе жатса, 4-орунда 1 упай менен "Олимпиакос" командасы жайгашкан.

Бардык беттештер Бишкек сааты боюнча 01:45те башталат.

"А" тайпасы

"Базель" (Швейцария) - "Манчестер Юнайтед" (Англия);

"ЦСКА" (Орусия) - "Бенфика" (Португалия).