Жантөрө Сатыбалдиев: "Жети-Өгүздөгү митингдин лидерлери жоопко тартылбайт"

Өкмөт башчы Жантөрө Сатыбалдиев эл койгон талапка байланыштуу Жети-Өгүз районундагы митингдин лидерлери эч кандай жоопко тартылбай турганын айтты. Андан соң Саруу айылындагы митинг тынчтык жолу менен аяктаганын аймактык кабарчыбыз Айзат Анарбекова билдирди. "Эки тарап бир келишимге келгенден кийин митинг тынч абалда соңуна чыкты. Эл өкмөттүн ишине ийгилик каалап, бата беришип, жолушууну соңуна чыгарды",- деди кабарчыбыз.