Майк Тайсон орусиялык рэпер T-killah`ны бетке чапты

Майк Тайсон орусиялык рэпер T-killah`ны бетке чапты. Бул тууралуу орусиялык маалымат каражаттары кабарлайт.

90-жылдарда жылдызы жанган, дүйнө жүзүнө таанымал мушкер Майк Тайсон азыркы тапта Лос-Анжелестеги үйүндө үй-бүлөсү менен жай турмуш кечирип жаткан убагы. Мушкер жакында Орусияда өтө турчу Sinergy Glogal Forum иш-чарасына келип сөз сүйлөп, андан соң өзүнүн бокс мектебин ачууну көздөп жатканын белгилеген.

Буга байланыштуу иш-чаранын уюштуруучусу Григорий Аветов рэп ырчысы T-killah менен бирге Тайсондон интервью алганы мушкердин үйүнө келишкен. Интервью учурунда рэпер Тайсонго: "Көптөн бери сиздин мени 1 согуп коюшуңузду самагам", - деп билдирген.

Бул сунушту четке какпастан Тайсон рэперди бир чаап "көпчүлүк менден минтип суранганга күчү жетпейт, сен эр жүрөк жигит экенсиң" деп T-killah`ны тамашалаган.

Уюштуруучу Аветовдун айтымында, рэпер мындай сунушту айтканда аларда кандайдыр бир кооптонуу пайда болуп, Майк кандай жооп узатарын күтүшкөн. Бактыга жараша, бул сунушту ал туура кабыл алып, T-killah`ны аста бетке чаап койгон.

Sinergy Glogal Forum - Орусияда өтүүчү эң ири бизнес-форумдардын бири. Анда дүйнө жүзүнө атагы чыккан белгилүү адамдар өзүнүн ийгилик сырлары менен бөлүшүп, ар кандай мастер-класстарды өтүшөт.