Ысык-Көл. Элдин талабы аткарылбаса, депутаттар өкмөт мүчөлөрүнүн отставкасын талап кылат

Бул тууралуу Жогорку Кеңештин депутаты Эркинбек Алымбеков 1-июнь күнү Саруу айылында эл менен болгон жолугушуу учурунда белгиледи. Анда "облустун түштүк жээгинде болуп жаткан акыркы окуялар тууралуу өз убагында туура маалымат келгенде, окуя буга чейин жетмек эмес" деген оюн билдирди депутат. "Элдин бардык талаптары өкмөткө жеткирилип, ал маселелер тез арада чечилбесе, анда депутаттар өкмөт мүчөлөрүнүн отставкага кетишин талап кылат",- деп баса белгиледи Алымбеков.