Түн ичинде Бишкектин бир катар көчөлөрүндө электр жарыгы өчүшү мүмкүн

28-ноябрга караган түнү саат 00:00дөн 05:00гө чейин “Кыргыздын улуттук электр тармагы” ишканасы жогорку вольттогу "Башкы-Кызыл-Аскер" аба электр чубалгысында оңдоо-калыбына келтирүү иштерин жүргүзөт. Бул тууралуу бүгүн, 27-ноябрь күнү "Түндүк электр" ишканасынан билдиришти.

Буга байланыштуу Бишкек шаарындагы Чоң Чүй каналы, Орозбеков, Щербаков, Элебесов көчөлөрү менен чектелген чарчыда;

Тоголок Молдо, Васильев, Жаш Гвардия, Саадаев, Фучик, Дэн Сяопин, Патрис Лумумба, Исанов, Баялинов көчөлөрүндө;

110-кварталда, Газ шаарчасында, Аскер шаарчасында, Достук кичи районунда;

Ак-Босого, Калыс-Ордо, Касым, Алтын-Ордо, Ак-Тилек, Красный Строитель конуштарында;

Чүй облусунун Аламүдүн районуна караштуу Степное, Пригородное, Маевка айылдарында, Достук дачасында электр энергиясы үзгүлтүккө учурашы ыктымал.