БШКнын төрайымы: “Шайлоонун жыйынтыктары боюнча бардык сындарды угууга даярбыз”

Бүгүн, 28-ноябрда Бишкек шаарындагы Мамлекеттик резиденцияда “2017-жылы Кыргыз Республикасынын президентин шайлоонун жыйынтыктары” аталыштагы коомдук диалог башталды. Жыйынга бийлик өкүлдөрү, БШК мүчөлөрү, коомдук ишмерлер, бейөкмөт уюмдардын кызматкерлери, президенттик шайлоого катышкан талапкерлер жана алардын ишенимдүү өкүлдөрү катышууда.

Жыйын башында БШКнын төрайымы Нуржан Шайлдабекова сөз сүйлөп, шайлоо тууралуу маалымат берди.

“Президенттик шайлоодо жалпысынан 24 миңге жакын кызматкер иш алып барды. Президенттик шайлоо таза жана тынч өтүшүнө салым кошкон адамдарга ыраазычылыгымды билдирем. Албетте, кемчиликтер да болбой койбойт. Биз шайлоонун жыйынтыктары боюнча бардык сындарды угууга даярбыз”, - деди БШКнын төрайымы.