Кытайда 200гө жакын тараканды учакка алып өтүүгө аракет кылган жарандар кармалды

Кытайда 200гө жакын тараканды учакка алып өтүүгө аракет кылган жарандар кармалды. Бул тууралуу аталган өлкөнүн басылмалары жазып чыгышты.

Маалыматта жазылгандай, Гуанчжоу Байюнь эл аралык аэропортунда көзөмөлдөн өтүп жаткан мезгилде улгайып калган эки түгөй кармалган. Аэропорттун кызматкерлери түгөйлөрдүн чемоданын сканерден өткөзүп жатып ал жакта жандуу таракандар бар экенин байкашкан. Коопсуздук кызматынын өкүлдөрү чемодандын ичин ачып күмөн жараткан желим идиштин ичинен көп сандаган курт-кумурскаларды табышкан.

Мындай "өзгөчө" жүктү алып өткөнгө аракет кылган түгөйлөрдүн айтымында, алар курт-кумурскаларды жашартуучу жана дарылык касиети бар бет май жасаганга колдонушмак.

Аэропорттун коопсуздук кызматы тирүү курт-кумурскаларды алып өткөнгө уруксат бербей алып калган.