Жалал-Абадда митингчилер менен жергиликтүү бийлик сүйлөшүү жүргүздү

Жалал-Абаддан аймактык кабарчыбыз Гүлжан Эшбаева билдиргендей, бүгүн, 3-июнда митингчилер менен жергиликтүү бийлик сүйлөшүү жүргүздү. Сүйлөшүүдө обладминистрациянын имаратын бошотуу, митингчилерден 4 өкүл дайындап Бишкекке жиберүү чечими кабыл алынды. Митингчилердин 4 өкүлү Бишкекке келип президент жана башка жогорку бийлик бутагынын өкүлдөрү менен жолугушмакчы. Ички иштер министри Курсан Асановго шаардагы коомдук коопсуздукту камсыз кылуу тапшырмасы берилди.