Бүгүн Индонезияда Кыргыз футболчулары Бруней курамасы менен кез келет

Бүгүн, 4-декабрда Индонезияда өтүп жаткан "Tsunami Cup-2017" футболдук мелдешинин алкагында Кыргыз өлкөсүнүн олимпиадалык курама командасы экинчи беттешин өткөрөт. Анда Кыргыз футболчулары Бруней курама командасы менен туш келет.

Буга чейин Кыргыз футболчулары 1-турдун алкагында Монголия курама командасы менен кез келип, 3:0 эсебинде жеңип алган. Ал эми Бруней командасы Индонезиянын курамасын утуп алган.

Айта кетсек, оюндар олимпиадалык мелдештердин эрежеси боюнча өтүүдө. Анда курама командадагы 3 оюнчудан башкасы 23 жаштан жогору болбоого тийиш.

4-декабрь, 2-тур:

Монголия-Индонезия 15:00 (Бишкек убактысы боюнча);

Кыргыз өлкөсү-Бруней 19:15 (Бишкек убактысы боюнча);