Чемпиондор Лигасы 6-тур: "Бавария" өз үйүндө "ПСЖны" 3:1 эсебинде утса, "Челси" менен "Атлетико Мадрид" тең чыгышты

5-декабрдан 6-декабрга караган түнү Европадагы эң ири футболдук лига - Чемпиондор Лигасынын тайпалык баскычында 6 турдун оюндары орун алды. Анда "А", "В", "С" жана "D" тайпаларындагы командалардын беттештери болуп өттү.

Анын алкагында "Бавария" өз үйүндө "ПСЖны" кабыл алып, 3:1 эсебинде жеңип алды. Ал эми "Челси" менен "Атлетико Мадрид" беттеши 1:1 эсебинде жыйынтыкталды. Орусиялык "ЦСКА" болсо конокто "Манчестер Юнайтедге" 2:1 эсебинде утулду.

Тайпадагы оюндардын жыйынтыгы:

"А" тайпасы

"Манчестер Юнайтед" (Англия) 2:1 "ЦСКА" (Орусия);

"Бенфика" (Португалия) 0:2 "Базель" (Швейцария).

"В" тайпасы

"Бавария" (Германия) 3:1 "ПСЖ" (Франция);

"Селтик" (Шотландия) 0:1 "Андерлехт" (Бельгия).

"С" тайпасы

"Челси" (Англия) 1:1 "Атлетико Мадрид" (Испания);

"Рома" (Италия) 1:0 "Карабах" (Азербайжан).

“D” тайпасы

"Барселона" (Испания) 2:0 "Спортинг" (Португалия);

"Олимпиакос" (Греция) 0:2 "Ювентус" (Италия).

Тайпалардагы абал:

"А" тайпасында "Манчестер Юнайтед" футболдук клубу лидерликти сактап, жалпы 15 упай топтоду. Ал эми "Базель" 2-орунду камсыздап эсебинде 12 упай бар. "ЦСКАда" болсо 9 упай, "Бенфикада" 0 упай.

"В" тайпасында "ПСЖ" менен "Баварияда" 15 упайдан бар. Ал эми "Селтик" менен "Андерлехт" 3төн упай топтошту.

"С" тайпасында "Челси" менен "Рома" командасы 11ден упай топтосо, ал эми 3-орунда "Атлетико Мадрид" клубу жайгашты. Анын эсебинде 7 упай бар. 4-орунда болсо 2 упай менен "Карабах" клубу ээледи.

"D" тайпасында 6 турдун жыйынтыгында 14 упайга ээ "Барселона" клубу 1-орунду камсыздады. 2-орунда болсо 11 упай менен "Ювентус" жайгашты. "Спортинг" 7 упай менен 3-орунду, 4-орунда 1 упай менен "Олимпиакос" командасы камсыздады.